Н. Коршуновась
Темников ошень «Единая Россия» партиять местнай отделенияц ащи 27 первичнай отделенияста, конатнень эса лувондови 561 партиянь член. Тяда башка нигне Партиять улихть сторонниконза, синь эздот – 894 ломань. Эрь первичнай отделенияса работай депутатскяй фракция, кона вяти кеме контроль депутатонь накаснень выполняндомаснон инкса. Пяк оцю мяль шарфневи партийнай проекттнень эряфс етафнемаснонды, конат водендафт ломаттнень инголе, проблематнень решандомаснонды, республикасонк эряфть цебярьгофтоманцта.
Сембода кемоста ладяф работась «Народнай контроль» партийнай проектть лангса. Тя проектть коряс районцонк работай группа, кона вяти питнень мониторинг магазиттнень и аптекатнень эса. Эрь неделяста региональнай исполнительнай комитету макссевихть етафтф работать результатонза. Ня результаттнень контролировандасыне Мордовия Республикань оцюнясь Н. И. Меркушкин, конац 2011 кизонь 24 майста тага кочкаф «Единая Россия» партиянь Мордовскяй региональнай отделениянь Политсоветти Секретарькс.
«Единая Россия» партиять и сонь региональной отделениянзон патронажснон ала строяф и тевс сувафтф тяниень пингонь спортивнай объект, «Новые дороги Единой России» проектть вельде строяф аф кржа вайгяльбе ки.
Тядде Республикаса кармай пяк лама важнай события: етайхть Россиянь Государственнай Думав, Мордовиянь Государственнай Собранияв и местнай самоуправлениянь оргаттненди кочкаматне, максови старт Российскяй Федерациянь Президентонь кочкамать коряс избирательнай кампанияти. Лятфтаса, што «Единая Россия» партиясь Мордовияса лац сяськонди сембе избирательнай кампанияттнень эса.
Сембе уровенень кочкаматнень эса единоросснень мархта сяськомась, васендакиге, эряви Мордовиянь народти. Местнай самоуправлениянь оргаттнень эса, Мордовиянь Государственнай Собранияса, Россиянь Государственнай Думаса «Единая Россия» партиянь влиятельнай фракциятие лездыхть решандакшнемс проблематнень, конат таколфтсазь ломаттнень, сявондьсазь эсь лангозост ответственностть примаф решениятнень инкса.
Тя пингсь пяк ответственнай кода районти, республикати, стане и марнек Россияти. Сянь эзда, конашка стратегическяй аськолкс странаньке тии инголи и кодама направлениясь тянь тисы, ламода ащи сай пингоц несколька кизода меле, кода кармайхть эряма ломаттне, кодама васта государстваньке заняй мирса.
